LANDAUERRI

 

Izan pozik! Lote ona berezi duzu,

arima sakon eta fidel bat;

lagunen laguna izateko sortua,

besta egunean erakusten dizugu.

 

Zoriontsua, zuk bezala

bere etxean poza eta bakea daukana.

Bizitza batzuk argia eta gaua dira, ezberdinak,

zu urrezko erdian bizi zara.

 

Eguzkiak argitzen du zure egoitza,

baita zure mahastia mendian

eta jainko zuhurra ontasun

ugarien garraioan ari zaizu.

 

Haur eta ama aurrera

eta basoa koroatzen duen urrezko hodeiaren antzera,

itzal maiteek inguratzen zaituzte;

familiako zenduak,

 

egon berarekin! Zelai eta etxe

gainetik maiz pasa dira lainoak eta haizeak

baina okerren kontsolabidea dauka bihotzak

etorkizunerako gogoetetan.

 

Begira! Pozez oroitzen gara kezkekin,

ardo iluna bezalako kantuekin,

besta isilduz doa eta bihar bakoitzak

hartuko du bere martxa mundu hertsian.