BERE SENDAPENA

 

Zure laguna, o natura, sufritzen da, lotan,

eta berandu zatoz, zu, guztien bizigarria? Ai, zuek,

eterren aire boteretsuok ez duzue sendatzen.

Zuek ere ez, eguzki argiko iturriok?

 

Lurreko lore guztiek, landareen

fruitu eder guztiek, ez dute goxatzen

bizi hau, zuek, jainkook,

maitasunean hazitakoa?

 

Ai! Bizi atseginak arnasan dihardu

hitz ederretan, lehen bezala,

distira daukate maitearen begiek

amultsuki zuri begira, o natura!