PALINODIA

 

Zergatik inguratzen nauzu, lurra, zeure berdeaz?

Zergatik ukitzen nauzu, haizeñoa, lehen bezala?

Zuhaitz punta guztietan darauntsa ...

 

 

Zergatik esnatzen didazue arima? Zergatik

iratzarri iragana? Erruki nire hautsez

eta utzi lasai, burlatzen zarete!

O segi ezazue!

 

Paturik gabeko jainkoak! Ari zaitez,

zeuen gaztetasunean, zahartzen denaren gain

eta nahiago baduzue hilkorren bat,

hor dituzue birjinak,

 

eta heroi gazteak. Ederragoa da

argia zoriontsuen aurpegian,

hobeki hots egiten dizue

arduragabekoen kantuak.

 

Ai! Kantuaren iturria errazago

zebilkidan lehen, pozaren garaian, bihotzean,

zerukoa begietan nuela

 

 

Barka, barka, jainko on

beti bezalakoak, lagundu niri

iturri garbiak maite nituelako...