BEHEITI ZAITEZ, EGUZKI EDERRA

 

Beheiti zaitez, eguzki ederra, kasu gutxi

egiten dizute, ezta ezagutu ere, o saindua,

esfortzurik gabe eta isilik

lanpetuen gainetik pasatu zara.

 

Lagun gisa zoaz, niretzat, goiti eta beheiti, o argia!

Eta nire begiak ezagutzen zaitu, nagusia!

Diotimak gogoa sendatu zidanetik

jainkozkoa isilik ohoratzen ikasi dut.

 

Zeruko mezularia! Nola entzuten nizun

Diotima, zuri, maitea! Nola begiratzen nizun

urrezko egunean, eskerronez

eta argiz beterik. Bizikiago

 

mintzatzen ziren iturriak, lur iluneko

loreek arnas maitagarria botatzen zidaten,

eta irribarrez, zilarrezko hodei gainean,

eterra guri buruz makurtzen zen, benedikatzen.