JAINKOAK ASPALDI PASA ZIREN…

 

Jainkoak aspaldi pasa ziren gizaki artean, musa bikainak

eta Apolo gaztea, sendatzen, suspertzen, zu bezala.

Haiek bezala zara niretzat, dohatsu haietarik batek

bizitzara bidali izan banindu bezala nabil, nire heroisaren

irudia nirekin, heriotzaraino, maitasunarekin

sufritzen eta egiten dudan guztian; hori ikasi baitut

harengandik.

Bizi gaitezen, o zu, nirekin sufritzen eta aro ederrago batera

zoazena, ni bezala sinetsia eta fidela.

Hala gara! Eta gu bietaz, jakingo balute,

berriro jeinua ohoratuko deneko denboraz, esango lukete:

bakarti horiek egin zuten soilik jainkoek ezagutu mundu

sekretua.

Jendetza arduratu da hilkorrak ilunpean gelditzeaz,

baina horiek jainkoenganako bidea aurkitu dute,

horiek, beren maitasunari eta izpiritu jainkotiarrei

fidelak izanez,

esperantza, pazientzia eta isiltasunaz, patua garaitu dute.