VANINI

 

Jainko iraintzailea esaten zizuten?

Madarikatu zizuten bihotza, estekatu

eta garretara entregatu,

gizon saindua! Zergatik ez zara itzuli

 

zerutik, tximista batean, biziosoen

kopeta jo eta ekaitza deitu,

barbaroen hautsa

lurretik eta sorlekutik kentzeko!

 

Baina bizirik maite zenuena,

hiltzen hartu zintuena, natura saindua,

ahantzi da giza ekintzez eta zure etsaiak

zu bezala daude aspaldiko bakean.