Antologia
Gloria Fuertes
euskaratzailea: Josu Landa
armiarma.eus, 2017

 

Larrialdiko autorretratua

 

Betzuloak ez ditut hain hanpatuak,

begiek areagoko distira dute eta handiagoak dira,

begiratzen ikasi dute —ordu gutxiko kontua—

arratsaldez tristeago izan ohi ditut.

Igeri egiterakoan gutxiago nekatzen naiz. Zabaldu,

hartu eta berrartu egiten ditut haren esku hezeak

—zoragarriak dira—

hatzez eta iragarpenez beteta daude.

Hazteria daukat belarrietan

jaberik gabeko katuek bezala.

Nire zintzur sagarra izan zitekeenaren azpian,

lepoko baten gisan,

zimur bat hazten da

nire iragana gillotinatzen duena.

 

 

 

Autorretrato de urgencia

Tengo menos ojeras abultadas, / los ojos brillan más y son más grandes, / han aprendido a mirar —cuestión de horas— / se me ponen más tristes por la tarde. / Me canso menos al nadar. Tiendo, / cojo y recojo sus manos húmedas / —son maravillosas— / están llenas de dedos y presagios. / Aún tengo «aristín» en las orejas / como los gatos sin amo. / Bajo lo que hubiera podido ser mi nuez, / a modo de collar, / crece una arruga / que guillotina mi pasado.

 

Antologia
Gloria Fuertes
euskaratzailea: Josu Landa
armiarma.eus, 2017