Poema xipiak laxoan
Charles Baudelaire
euskaratzailea: Jean-Baptiste Orpustan
Atlantica, 2007

 

I

 

Arrotza

 

         Nor duk maiteago, mixteriozko gizona, errak! aita, ama, arreba ala anaia?

         — Eztut ez aita, ez ama, ez arreba, ez anaiarik.

         — Adixkideak?

         — Baderabilazu hor egun arteo ezaguna gabe egona nizan elhe bat!

         — Aberria?

         — Zein eskualdetan jarria den jakin gabe niz.

         — Edertasuna?

         — Gogotik maita nezake, jainkosa eta hil ezina.

         — Urrea?

         — Hastio dut zuk Jainkoa hastio duzun bezala.

         — He! zer duk bada maite, arrotz ohi ez bazalakoa?

         — Maite ditut hedoiak... diragaiten hedoiak... hantxetan... hantxetan... mirazko hedoiak!

 

Poema xipiak laxoan
Charles Baudelaire
euskaratzailea: Jean-Baptiste Orpustan
Atlantica, 2007