|
TRAFIKO ISTRIPUA Oraindik ez dakite duela ordi erdi bat gertatu zena han errepidean.
Euren ordularietan ordu ezin arruntago bat arratsalde batekoa, ostegun batekoa, iraileko ordu bat.
Norbaitek pastari ura kentzen dio. Norbaitek lorategian orbela biltzen du. Umeak mahaiaren inguruan lasterka dabiltza. Norbaitek, itxuraz gogorik gabe, katuari laztan egiten dio, katuaren baimenarekin.
Norbaitek negar egiten du: beti bezala telebistaren aurrean Diego maltzurrak Juanita engainatzen duelarik.
Norbaitek atea jo du: ez da deus, auzokideak eskatutako zartagina itzultzera etorria.
Etxean, barru-barruan, telefonoaren txirrina, oraingoz iragarki batengatik baino ez.
Norbait leihora hurbildu eta zerura begiratuko balu hodei batzuk ikusiko lituzke istripua gertatu den lekuatik haizeak ekarriak. Egia da hodei barreiatu eta urratuak direla baina hodeientzat hori eguneroko ogia baino ez da.
TRAFIKO ISTRIPUA |