Gauetik egunera doan ordua.

Albo batetik besterako ordua.

Hogeita hamar urte ingurukoentzako ordua.

 

Oilarraren kantuari begira apailaturiko ordua.

Lurrak gure izenak ukatzen dituen ordua.

Astro itzalietako haizeak jotzen duen ordua.

Eta baldin-eta-gure-ondotik-ezer-ez-balego ordua

 

Hutsik dagoen ordua.

Gorra, antzua.

Ordu guztien hondoa.

 

Inor ez da ongi sentitzen goizaldeko lauretan.

Inurriak ongi sentitzen badira goizaldeko lauretan,

zorionak eman beharko. Eta bostak arte segi dezaten,

baldin eta bizitzen jarraitu behar badugu.