Arrantzaleek itsas-hondotik botilla bat atera zuten. Botilaren barruan bazen paper
bat, eta bertan idatziak hitz hauek:
«Lagundu! Hemen nago. Ozeanoak jenderik gabeko irla batean utzi ninduen. Itsas-
ertzean nago laguntzaren zain. Etorri azkar! Hemen nago!»
— Ez du datarik. Segurki beranduegi da jada. Botillak denbora luzea eramanen zuen
ur-azalean —esan zuen lehen arrantzaleak.
— Eta tokia ez dago zehazturik. Zein ozeanotan den ere ez dakigu —esan zuen
bigarren arrantzaleak.
— Ez beranduegi, ez urrunegi. Dena irla da. Hemen -esan zuen hirugarren arrantzaleak.
Giroa gaiztotu zen, isiltasuna nagusi. Egia handiek horixe sortzen dute.
|