|
IKUSPENA Bi ezezagun legez gurutzatu ziren ez hitzik, ez keinurik, emakumea dendarako bidean gizona autorantzko bidean.
Agian harridura edo nahasmena edo oharkabetasuna une labur batez maite zutelako elkar betiko.
Halere, ez dago bermatzerik beraiek zirenik ere Agian urrutitik ikusita bai baina hurbiletik, inolaz ere ez.
Leihotik ikusi nituen eta goitik begiratuta erraz da okertzen.
Emakumea kristaleko atearen atzetik desagertu zen gizona autora sartu zen eta azkar abiatu. Beraz ez zen deus ere gertatu gertatu bazen ere. Eta ni bakarrik une batez ikusi nuenaz ziur egonik, saiatzen ari naiz orain ezusteko poema batean zuek, irakurleok, hori guztia triste izan zela konbentzitzen.
IKUSPENA |