Bazterrak
Uxio Novoneyra
euskaratzailea: Koldo Izagirre
Pamiela, 1988

MARGARITA zuriak

bazko-lore eta sorgin-belarrak!

Elorriak malkarretan!

Hosto ustelak lezoietan!

Baten bat bada

goizeko aire honetan.

Basoilarrak

urre-txoriak ur-zozoak!

Txoriak eta txoriñoak erreketan

erroitzetan eta maduretan

eta aldra eta aldraka

araba-zozoak bazterretan.

Bazterrak
Uxio Novoneyra
euskaratzailea: Koldo Izagirre
Pamiela, 1988