Bazterrak
Uxio Novoneyra
euskaratzailea: Koldo Izagirre
Pamiela, 1988

LUR GOI ETA BAKARTIAK

LUR goi eta bakartiak!

Mendi luze ilunak!

Neu naiz bakardade kolore hau...

Urrundik amestutako Ancares!

Marco de Medio Mundoko aitzak errenkadan Candedo ás Moásekin!

Devesako gailurra!

Lucenzako goia

Formigueiros Montouto Pía-Páxaro

Coureleko gailur zutak! Herri pobreak

tristurak su emanak erretzez ilunduak!

Lor ibaiaren doinua ibar ilunean!

Txilarra eta txilarra!

Iturriño goiak

arkaitzak

ubide ilunak

basoak alorrak gaztainadiak eta pentzeak!

Tontor hauek eta ibar hauek

besterik ikusi ez dituzuen

laborariak eta artzaintsak!

Hontza uluka kantari kukua

bihotzean gelditu

eta norberaren kontra itzuliz zokorik mingarrienean sartzen den

denbora isila neurtzen...

1953-54

Bazterrak
Uxio Novoneyra
euskaratzailea: Koldo Izagirre
Pamiela, 1988