Bazterrak
Uxio Novoneyra
euskaratzailea: Koldo Izagirre
Pamiela, 1988
OS Sudrios ilun
Sudrios biluziak
Lor eta Lóuzara artean
A Muller Morta-ren aurrean!
Badoaz beleak eta arranoak
bado otsoa joanez
badoa basurdea eta orkatza
badoaz hodei goiak
badoa behe lainoa
badoaz eguzki eta ilargi bristadak
badoa haizea
/bisustuan bihotza zabalik/.
Goratzen dira garrak bihurrituak
uherrak jaisten dira urak.
Hildakoak ere ez daude geldirik.
Nire begiratua bakarrik
esku leun baten antzo
joan-etorrian bezala
aurpegirik ederrenean.
1985
Bazterrak
Uxio Novoneyra
euskaratzailea: Koldo Izagirre
Pamiela, 1988
