Bazterrak
Uxio Novoneyra
euskaratzailea: Koldo Izagirre
Pamiela, 1988

ZUEKIN mintzo naiz zuekin errege Alfonso Erguío e Torneol

Pero Meogo e Mendiño lorea zeuekin eraman

zenutenak Denís de Portugal errege Per Amigo

Roi Fernández de Santiago Martín Codax de Vigo

zuekin aboza isileko galegoak kristalezko galegoak

Xoan Airas Airas Nunnes Bernal de Bonaval

Martín de Padrocelos ni jaio nintzen hurbilean

Esteban Coello —xarmagarriak irun eta kanta eztiki—

Xohan Zorro Lisboako dantza eta txalupetakoa

eta Pontekoa Lourenzo Martín Moxa Eanes do Cotón

Rol Paes Soares Lopes Lopo Lías eta beste hainbeste

eta soldadeira guztien artean zu bakarrik María Balteira

ederra dadu jokoan prima dantzan leunena.

Ni pentsamenduko koplaria naiz

ezen ez baitu koplari aitortu behar

koplatze alde koplatzen duen koplariak

hil gabe ezin isil litekeen

malora baten pairatzaileak.

Eta ez da beharrezkoa diotsuedan

kantiga hau noretzat doan.

Bazterrak
Uxio Novoneyra
euskaratzailea: Koldo Izagirre
Pamiela, 1988