Bazterrak
Uxio Novoneyra
euskaratzailea: Koldo Izagirre
Pamiela, 1988

DENBORA itxia daukadan

gela neurea!

Eguneroko egunak!

Neure ganoragabekeriak

badaki noizbait bizitzaz.

Dena jada iragandako zerbait balitz bezala.

Zilarrezko adaska

ohean marraztua.

Kuadroetako begiak

beti neure aldera begira...

Zuraren irudiak

ertzetan eta sapaian.

Kedarraren erretenak

itukinez paretetan behera.

Atea itxia.

Alasea erdirekia.

Ispilua erretratatzen duen hartan, bakarrik...

Bildu egiten duen denbora

hondoratuagatik itotzen ez duena!

Bazterrak
Uxio Novoneyra
euskaratzailea: Koldo Izagirre
Pamiela, 1988