Bazterrak
Uxio Novoneyra
euskaratzailea: Koldo Izagirre
Pamiela, 1988

JOAN behar dut Pia Páxarora eta Boca do Farora

Campa da Lucenzan zelai batean etzatera.

Joan behar dut Devesa da Rogueirara eta Donísera

Robela Pinzara Chao dos Carrísera.

Joan behar dut Lousadara eta Pacios do Señorera

Santallara Veiga de Forcasera eta Fonlorera.

Joan behar dut Cebreirora Liñares jo

Iribiora igan Cervantesera eta Ancaresera.

Joan behar dut Cidora eta Castro de Bríora

jaitsi eta ibaiertzean ibili.

Joan behar dut Céramora Faro iragan eta orduan

beherantz amildu Oéncia eta Leóni buruz.

Joan behar dut Valesera eta Pena da Airexara

eta inork ikusten ez nauen bazter bakartiren batera.

Bazterrak
Uxio Novoneyra
euskaratzailea: Koldo Izagirre
Pamiela, 1988