Bazterrak
Uxio Novoneyra
euskaratzailea: Koldo Izagirre
Pamiela, 1988

ARRANOEN gailur ilunak!

Eguzkiaren eta uraren mendiak!

Mailoak!

Lur bakartiak eguzkitan eta lainotan!

Eguzkia jaisten da

aurrez aurre aita bat bezala otalorera...

Lomban barrena

Searako ubide eta sakanetan barrena

Serra do Rebolo

eta Carreiro do Sonon barrena

doa José de Parada

Viana do Bolo eta Val di Orraserantz

maldetan gora eta behera

joan-etorrizko amets batean.

Mendi luzea haren atze-aitzinean...

Bazterrak
Uxio Novoneyra
euskaratzailea: Koldo Izagirre
Pamiela, 1988