Antologia
Manuel Bandeira

euskaratzailea: Joseba Sarrionandia
Pamiela, 1999

 

UNE BAT KAFETERIAN

 

Hileta pasatu zenean

Kafeterian zeuden gizonek

Sonbreirua erantzi zuten oharkabean

Hilari agur axolakabea eginez

Bizitzarantz jiratuta zeuden

Bizitzaz liluratuak

Bizitzaz fidatuak.

 

Alabaina batek keinu luze eta berandutuaz erantzi zuen sonbreirua

Ontzixkari luzaroan begira

Honek bazekien bizitza larrialdi anker eta helbururik gabea dela

Bizitza traizioa dela

Eta agur egiten zion arima ezabatu ondoren

Betirako aske pasatzen zen materiariari.

 

Antologia
Manuel Bandeira

euskaratzailea: Joseba Sarrionandia
Pamiela, 1999