|
Antologia POETIKA Nazkatuta nago lirikotasun txukunaz Lirikotasun ondo portatuaz Lirikotasun funtzionario publikoaz asistentzia liburu erizpide protokolo eta Zuzendari Jaunarekiko errespeto azalpenekin. Nazkatuta nago gelditu eta hitzaren herrikoitasun zigilua hiztegian bilatzen duen lirikotasunaz Popatik hartzera garbizaleak! Hitz guziak eta batez ere barbarismo unibertsalak Esakera guziak eta batez ere bereziak Erritmo guziak eta batez ere nehurtezinak Nazkatuta nago lirikotasun maitazale Politiko Makal Sifilitiko Bera ez den edozeren aurrean errenditzen den lirikotasunaz Hori, gainera, ez da lirikotasuna Kontabilitatea koseno taula amorantearen idazkari paregabea ehun gutun eredu eta emakumeei atsegin izateko modu desberdinak eta abar. Nahiago dut zoroen lirikotasuna Mozkorren lirikotasuna Mozkorren lirikotasun zail eta mingarria Shakespeareren clownen lirikotasuna — Ez zait axola liberazioa ez den lirikotasunik. Antologia
|
