|
Antologia GAU-KANTA ESKUSOINURAKO HONA hemen: nik egurra zaindu dut moilean. (Zuek ez dakizue zer den egurra zaintzea moilean: baina nik euria ikusi dut ibaika txalupen gainean, eta oholen azpian atsekabearen prezio jakina kukildurik; flandeen eta pinukien azpian, zedro sakratuen azpian. Ertzainek gaua barrendatzen zutenean eta zeruaren bobeda tunel bat zenean argirik gabekoa bagoietan: eta txotxrzko su bat biztu dut otsoaren ahoan. Zuek ez dakizue zer den egurra zaintzea moilean: baina mukizu guztien esku guztiek petral bat bezala zin egiten zuten nire suaren inguruan. Eta mirakulu bat bezala zen esku hotz-minduak bizkortzen zituena. Eta pausoa galdu egiten zen lainotan. Zuek ez dakizue zer den egurra zaintzea mollean. Ez eta kriseiluen otoitza untzietan —hainbeste koloretakoak nola itsasoa eguzkipean: ez baitu belarik behar. (Zazpi-ohoinak, 1925) Antologia
|
