Antologia
Joan Salvat-Papasseit

euskaratzailea: Koldo Izagirre
Pamiela, 1995

 

CARTE-LETTRE

 

ERRAILAK eta errailak

—eta errail gehiago

                            eta errail gehiago—

(tximiniak haren izen zuria egiten du

                                        martxan)

 

ni katibu gelditzen naiz errailen sareen artean:

bihotza eta gutizia tinkatuak eskuak bezala

 

(ozen egiten badu fistu

                                oihu egin didala pentsatzen dut)

—maitearen minez delakoz

eta ni gorputzaren amodioarena

                              eta maitearen amodioarena bakarrik

 

eta orain idurikatzen dut

haren musua eta haren besoa

eta errailen orratza da bakarrik

                                            eta makina

 

ERRAIL GEHIAGO TXORI HEGALDI BAINO

EGUNSENTI ARGIA

 

(Arrosa ezpainetan, 1923)

 

Antologia
Joan Salvat-Papasseit

euskaratzailea: Koldo Izagirre
Pamiela, 1995