Antologia
Joan Salvat-Papasseit
euskaratzailea: Koldo Izagirre
Pamiela, 1995

ZURIA BELTZARANA

ZURIA

        beltzarana

                      eta liraina eztizko talo bat bezala

—kalean jasotako lausengu bat baino areago

odoletan loratua zen haren emamintza

birjina eta biluzia

                        —arrenkura eztia

zetazko atorra ilargi betea bezalakoa

arrosa gorria ere loretan zegoen:

atzo dontzeila baldin bazen orain neure altxorra dut

—arrosa bezala bular biak borobil.

(Arrosa ezpainetan, 1923)

Antologia
Joan Salvat-Papasseit
euskaratzailea: Koldo Izagirre
Pamiela, 1995