Antologia
Joan Salvat-Papasseit

euskaratzailea: Koldo Izagirre
Pamiela, 1995

 

UDAKO ARRATSALDEA

 

PINUDIAREN azpian

hezea eta berdea dena

zerua deskubritzea      hostajearen artean!

Txoriak arrainak balira bezalaxe pasatzen dira

itsasoaren hondoa ikusiko bagenu bezala.

 

Eta untzi bat da, ezkatatua, hegazkina.

 

                                 

 

Batxeagatik sumatzen duzu belarri liluratuan

bideetarik autokar bat doala—

diru asko egin duten jenderekin

gerrari esker,

eta bidenabar xahutu egin nahi dutena.

 

Ezertarako balioko ez dien hauts batean.

 

                                 

 

Hiria dakusazu—

                        hondartzan luzatua,

bakar-minez hiltzen ari den eskaba bat bezala;

gaztea eta menderagaitza

                                    malenkoniatsua eta unatua—

gaixorik xamar dagoen guztietan.

 

Pinudiaren azpian ez duzu beharrezkoa pentsatzea.

 

                                 

 

Eta liburu bat baldin baduzu alboan

—modernoa ala antzinakoa

ona bada berdin baita—

eta etengabean ixurian ari den iturri bat,

eta nola zu

                lurrean

                          askaltzen ari zaren,

pozik emanen zenuke anbizio oro.

 

Oh, adiskidea ere alboan duen hura.

 

                                 

 

Ikus, nik orain nire kantua damaizut

dohainik.

 

(Zazpi-ohoinak, 1925)

 

Antologia
Joan Salvat-Papasseit

euskaratzailea: Koldo Izagirre
Pamiela, 1995