|
LURRA ETA HERIOTZA Harri landuzko musua duzu lur gogorrezko odola, itsasotik etorria zara zu. Dena zeureganatzen eta kukutzen eta zuregandik botatzen duzu itsasoak bezala. Bihotzean isiltasuna duzu, hitzak dituzu irentsirik iluna zara. Zuretzat isiltasuna da goizalba.
Eta lurraren ahotsak bezalakoa zara zu —putzuan baldeak egiten duen danbada, suaren abestia, sagar baten eroria; atarietan esandako hitzak etsituak eta ilunbetsuak, umearen garrasia —inoiz igarotzen ez diren gauzak. Etzara aldatzen. Iluna zara.
Soto itxia zara, lur zapalduzkoa, behin batean umea oinutsik sartu zen hura, eta beti gogoratuko da. Gela iluna zara zu, beti gogoratzen den hura, goizalba zabaltzen zeneko antzinako larraina bezala.
LURRA ETA HERIOTZA |