|
Uraren bezpera IZENA DUT ESANEN ITURRIEZ izena dut esanen. Boza zuria da eta denborak gorputz zurbilez ezer ez dakien hartan etxea zaie irekitzen itzalen lanei. Hona hemen zauri ondoko basoa lur zapaldua hostoen dantza bular gainean ispiluen ahoa murruaren kontra arraildua. Beharrezko zen urre oro eta ez zen aski goizekoa begietan urtua jalgiko bazen isiltasunaren aztarnean unikornioa. Jada berandu dateke eta atarian kantari ari diren haurretatik inor ez nirea. Maitasunaren jitearen gainean belarrak hazten zahurrek pixa egiten dute. Uraren bezpera
|
