Uraren bezpera
Eugenio de Andrade

euskaratzailea: Maite Gonzalez Esnal
Pamiela, 1990

 

GERRIAREN GAINERA

 

UZTAIOZU eskuari

ibil dadin

hatsa gal dezan

 

arnasik ezin hartzeraino.

 

Uztaiozu eskuari

noraezean

gerriaren gainean

ia onesle

mihiaren nakarekiko.

 

Lurretiko garraixi batek soilik

birrintzen ahal du.

 

Heriotza

ez da sekretu

ez da gure baitan harezko lorategi.

 

Gauez

mirailen isiltasun arrean

gizon batek

herioa eskutik dakarke.

 

Erakutsiko dizut nola antzeman

 

errepara ezazu

 

mutiko da oraindik

ez da gizontzen.

 

sorbaldeetan

                  argi

laxoa

 

sahietsen distira

nabarra.

 

Ahoa, ahoaren gain elurra ari zuen.

 

Uraren bezpera
Eugenio de Andrade

euskaratzailea: Maite Gonzalez Esnal
Pamiela, 1990