|
Uraren bezpera BESTE UDAREN AZTARNAK BISAI hau lur arrasean hauts hau artalde harakoaz heze oraino, hitz marmario hau bero larru azalean idazteko, buztinezko mihi hau xulo ugarizko eta gatibua, beste udaren aztarnak dira. Xamurki inzestukor heldu zen negua haizearen eskuak itsuturik heldu zen estrapozoka heldu zen ispiluetako odola. Eguzkia luze gabe ur bihurtuko. Belar siku dardartiaren eta osinaren artean Irailaren hondarrean bila ezazu lekua non gorputz bat beste gorputzean sartzen den eta griñan pausatu murmurioan lokartu mendi muinoen suzko koroian. Uda zuri eta laua da eta beti uzten ditu aztarnak. Uraren bezpera
|
