Uraren bezpera
Eugenio de Andrade

euskaratzailea: Maite Gonzalez Esnal
Pamiela, 1990

 

SUAN, ERTZ ZORROZTUAN

 

BEGIRA zazu biluztasuna nola hazten den.

 

Errez litzaiguke pausatzea orain

sutan

edo isiltasunaren ertz zorroztuan

haizerik balego:

nor gogoratzen da ordea

pozaren usain zuriaz?

 

Antzematen dut euriaren ibilera mantsoan

maitasunaren gorputza:

zauritua dator: nola lo egin

bere eskuetan?

Nola uxa heriotza: oroimenaren barrunbetako

pizti amets-ibiltari hori?

 

Aleka aleka harrapatzen ahal duzu

gaua: zoritua da:

ahora eramaten ahal duzu

hitzen

apar nagia.

 

Eta uretarantz hazi.

 

Uraren bezpera
Eugenio de Andrade

euskaratzailea: Maite Gonzalez Esnal
Pamiela, 1990