|
Uraren bezpera BELARREN GAINEAN ARNAS hartzen duzu Espainiako urdin guztia eztarrian behera irristatuko bailitzazun gaua haizearen mihia beste eskurik gabe beste begirik ilunean edateko. Etzan zaitez ene bularrean makurtu itzazu lurreraino edertasunaren zurtoin hauskorrak. Hitzak zauden gorde lekuz goitik igaro dira udako ur mantsoak dira igaro. Sasoia da jada masustak odolustutzen oraino da sasoia zabaldu egizkidazu zure gorputzeko ateak oi ! ene maite utz egidazu barneratzen. Behin zure gainean usain gozorik gozo ezpainak oro dira jausten bizikor zein hilkor gorputzak barneratzeko dira astiro bai astiro. Eskuak sorbaldaren gainean leunkiro. Belarren gainean isiltasunaren esne lodia. Uraren bezpera
|
