Gero negar egiteko, isilduko gara orain?

R.D.

 

Nire begiak mintzatuko lirake, nire ezpainak

mututuko balira. Itsu geratuko banintz,

nire eskumako eskuak segituko luke

mintza, mintza eta mintza.

 

Esan behar dut: “Ikusi dut”. Isiltzen naiz

begi hertsirik. Ezetz, ikusi eztudala esanen

banu, gezurra esanen nuke,

mintza, mintza eta mintza.

 

Baina gehiegi eta gehiegi isildu behar dut,

eta hainbeste esaizun egonik, begiak hertsituko

banitu, egun guztian egonen nintzake

mintza, mintza eta mintza.

 

Argiro dagoena ikustetik libra gaitzala

Jainkoak! Tristura. Nire eskuak ebakiko

banitu, nire odolak jarraituko luke

mintza, mintza eta mintza.