|
GALLARTA Behar-bada, itsasoa. Baina ez. Behar-bada gizona. Udagoiena da. Jainko ederra. Lur gorria. Harri gorria. Behar-bada arbola bat odolaren parekoa. Jainko ederra. Harria eta gizona.
Udagoiena da. Orduan. Gailurrerantza joaten ginen. Itsaso inprimitua. Hitzez labur, baina uhinez zabal. Arratsaldeko bostak inguruan. Ortuella eta airea.
Orduan. Hertsi zituen eztakit begiak nire lagunak. Pobreziaren jainko ederra. Eta arrokak ebakitzen ziren lekuan, burnia.
Begietako erregea. Sofokles urdindua. Izarretako kadira hondatua. Pazientzia. Bizkaiko burnia —Kantabriako itsasoa— hitzez labur. Nire poema guztietarako legea.
GALLARTA |