KANTUA Bihotz babestu baten moduan, basarrosaren lore odolgorria irekitzen hasi da behe-beheko adarrean, sostengu duela zuhaixka handi baten masa saretua: loratzen zaio ilunari, bihotzaren atze-oihal iraunkor horri, goi-goiko loreak ihartzen edo zimeltzen diren bitartean; estualdia gainditzeak kolorea biziagotzen dio soilik. Baina John ez dator bat, uste baitu hau ez balitz poema bat, baizik benetako lorategi bat, orduan arrosa gorriak ez lukeela izan behar beste ezeren antzik, ez beste lore batenik ez bihotz ilun batenik, lur arrasean taupaka erdi marroixka, erdi gorrimin.
KANTUA |