MATUTIAK Barka maite zaitudala esaten badizut: boteretsuei gezurra esaten zaie beti, ahula beti hartzen baitu izuak. Ezin dezaket maita atzeman ezin dudanik, eta zuk ez duzu kasik ezer agerrarazten: elorri zuriaren antzekoa ote zara, beti berdin leku berean, ala kuku-praken antzekoagoa, aldabera, lehenik buru arrosa batean sortzen dena bitxiloreen atzeko mazelan, eta hurrengo urtean purpura arrosategian? Ulertu alferrekoa zaigula isiltasun hau sinetsarazten diguna gauza oro zarela, kuku-praka eta elorri zuri, arrosa zaurgarri eta bitxilore sendo; soilik pentsa dezakegu inola ere ezin zarela existitu. Hori pentsarazi nahi al diguzu, horrek azaltzen ote du goizeko isiltasuna, kilkerrak oraindik hegoak igurtzi gabean, katuak borrokatu gabean lorategian?
MATUTIAK |