BELAR GAIZTOA Zerbait dator mundura ongi etorria izan gabe, anabasa anabasa hots eginez.
Halako gorrotoa badidazu ez lanik hartu ni izendatzen: beste laido bat behar ote duzu zure hizkuntzan, beste modu bat tribu bati guztiaren errua egozteko?
Biok dakigun moduan, jainko bat gurtzen baduzu, aski duzu etsai bat.
Ni ez naiz etsai hori. Amarru bat soilik, ez ikusi egiteko lore sail honetan berean gertatzen dakusazunari, porrotaren paradigma txiki bat. Zure lore preziatuetarik bat ia egunero hiltzen da hemen eta ez duzu atsedenik kausari buru egin arte, alegia geratzen den edozeri, edozer zure pasioa baino irmoago agertzen dena.
Ez zen sortua izan mundu errealean betikoz irauteko. Baina zergatik aitortu hori, jarrai badezakezu beti egiten duzuna egiten, deitoratzen eta errua egozten, bi-biak batera beti.
Ez dut zure gorespenik behar bizirik irauteko. Lehena izan nintzen hemen, zu hemen izan aurretik, zuk inoiz lorategi bat landatu aurretik. Eta hemen izango naiz eguzkia eta ilargia soilik geratzen direnean, eta itsasoa, eta zelai zabala.
Neu izango naiz zelaia.
BELAR GAIZTOA |