Gauez egiten ditudan

kale kantoiak

hiriaren proak dira.

Ni, maskaroirik ederrena.

Sirena ezpalekoa naiz;

nire kantak

haize-arrosak fumatzen ditu

papar-hegal ezezagunetan.

Jada desorientatuak.

Eta ezpainetan ditudan arrainek

ezagun dituzte

aldirietako zulo guztiak.

Zeren eta ilunabarrero,

iparrik gabeko itsasontzi gehiegi

atrakatzen baitzaizkit bizkarrean.

Ozeanozko dantzan

mugitzen naizela diote;

ipar-haizearen bertigoarekin muxukatzen dudala.

Ulertzen dute maitasuna

fabrikatzeagatik kobratzea.

Baino inork ez daki

zenbat piratarekin

oheratu behar dudan

lotara joan ahal aurretik.