BUKAERAREN POEMA
11
Guztia danbaz galdu — kolpe garbi batez! Auzunea, aldiria: egunak ahi bitez.
Poz barik (haitzak leitzen ditugu), egunak, eta etxeak, eta gu.
Datxa hutsak! Ama zaharra lez — ditut berpiztu. Ekintza da — hustea: hutsa ezin hustu.
(Datxa horiek ia hutsik badaude, balira bertan kiskaliko, hobe!)
Zirkinik egin gabe, zauria ageri. Aldiririk aldiri, josturetan zauri!
Diodan — mutu — gauza segura: amodioa dela jostura.
Jostura — ez ezkutu. — Ez eska babesik! — Hilak lurrari gisan zuri josia ni.
(Nolakoa den, geroak hitza: hari bakuna edo anitza!)
Zabalduz mukuru da hondakinez zaina! Ohorez da zartatu: apurtu ez baina!
Hari azpian — bizirik dela zain gorrietan, ez da ustela!
Gogor hausten duenak ez du galtzen eta! Auzunea, aldiria: bananduz kopetak.
Garunak haizez, une honetan urkamendiak auzuneetan!
Goiz-alban ez du galtzen iheslari-hausleak. Gauean jositako bizi hari gabea.
Ez izan kexu hari okertzeaz. Auzuneetan: hari apurtzeak.
Nahasian arimak, orbainak eskura. Auzunea, aldiria: handia asaldura.
Patuaren zapata lohiaren gainean. ...azkarra dut eskua, haria zainean.
Nahiz den haria apurtuago, azken farola argitan dago!
* * *
Hemen? Beheko arrazen begien jokaldiz. Begira. — Joango gara mendira? — Azken aldiz!
BUKAERAREN POEMA |