BUKAERAREN POEMA
2
Nomadekin senideak, — horixe ote da bidea! Trumoia eta ezpata dira burupeko partaideak.
Gure zain diren eleak, izu-laborriz beteak, etxea amildu egin da eta horra elea: etxea.
* * *
Umea galdu denean, oihu egiten du: etxea! Haur izan arren galdegin ohi du: Emadazu hori! Enea!
Sexuaz gaude antzera, sukar beroan batera, denek etxetik ihes egin nahi eta zu berriz: etxera!
* * *
Zaldiak gogor bultzada, soka hautsi da — Gora da! — Baina etxerik ez dut ikusten! — Hamar oinera, bat bada:
Muinoko etxea. — Ez al da goian? — Muinoan hegalda. Sabai azpian dago leihoa. — «Sutan al dago goiz-alba?».
Bizitzan berriz jarduna, poemen erraztasuna. Zer ote etxea, ez bada gauez irteten uzten diguna?
(Nire pena-mindura, ai, izotzaren berdeaz blai?...) — Ez ote duzun gehiegi hausnartzen. — Ongi pentsatuz diot: — Bai.
BUKAERAREN POEMA |