Zaldi urdin
Dora Teitelboim

1982
euskaratzailea: Koldo Izagirre
«Ahalegina», 2004
KM kulturunea

 

Zaldi urdin, zaldi suzko,
Arin, arinago,
Urrun eta urrun,
Ihes, egizu ihes berriz
Lauhazka,
Iragan itzazu
Ibai sakon antzeko egunak,
Gauak, amildegi hauek,
Ni bota gabe.
Tristea da zure zaldizkoa,
Haragibakoa.
Aztarna galduak
Haizeak —bridak laxo
Argiak han urrun —itzalirik
Biziaren galburuak —joak
Nire ametsa —izar bat
Ene bizkarrean errea
Eta hitz zurien ahoa— hortzak apurturik.
Zaldi urdin, zaldi suzko,
Arin, arinago,
Jo itzazu harriak zure apatxekin,
Egizu hegan gar eta ezpata barrena,
Zure txinpartek
Argi ditzatela gauean lurraren gaineko izarrak.

 

Zaldi urdin
Dora Teitelboim

1982
euskaratzailea: Koldo Izagirre
«Ahalegina», 2004
KM kulturunea