Bestelakotu egin zaigu aroa:
eguzkia, euria, elurra,
dena omen proba nuklearren errua.

Estrontzio 90a ari omen du
    belarretan, haragian, esnean,
    esperantzan, askatasunean,
gure herrimin handian ate joka ari den ukabilaren gisan

Maitea, lasterketa batean abiatuak gaude:
Edo eramaten dugu bizitza hildako izarretaraino
Edo heriotza helduko da zerutik gure munduaren gainean.