ESPAINIAREN AURKAKO KANPAINAK Noski mundua ez dela Espainia. Ba dakigu ordea zer den Espainia? Pentsa dezagun. Zeru bat? Historia bat? Ez naiz txantxetan ari. Jarrai dezagun, bada, gure azterketaren ildoa. Ibai bat ote? Bizitza ote? Itsasoa ote? Heriotza ote? Desordena honen ondoren, amaitu da ibilia. Espero dut garbi geratu dela zer den Espainia. Lur birjina bat. Edo, aitzitik, zeru puta bat. Ez naiz txantxetan ari. Beroa daukat buru-hanketan, eta hotza, hotza, hotz handia gorputz osoan. Laster eginen du nireak, bat, bi, lau liburuk ezabatu dute ahanztura eta besterik ezer gutxi. O zelaia, o mendia, o Darro ibaia: ezaba nazazue bizirik. Gora ezazue, ene aberriko gailur urdinok, ahotsa. Egun ez daukat nirea dela esan dezakedan dorretxerik. O airea, o galdutako itsasoak. Jo ezazue nire bertsoaren kontra, burrunba librean.
ESPAINIAREN AURKAKO KANPAINAK |