Galdu baldin badut bizia, denbora,

eraztuna lez uretara jaurti nuen guztia,

ahotsa galdu baldin badut sasian,

neurea dut oraindik berba.

 

Jasan baldin badut egarria, gosea,

nirea zen guztia eta hutsaren hurrengoa gertatu zena,

gerizak segatu baldin baditut isilean,

neurea dut oraindik berba.

 

Zabaldu baldin banituen begiak

ikusteko ene aberriaren aurpegi garbi eta beldurgarria,

urratzeraino zabaldu baldin banituen ezpainak,

neurea dut oraindik berba.