MUNDU OSOKO ALBISTEAK Berrogeita zazpi urteko adinez, beldurra ere ematen du esateak, poeta espainiar bat besterik ez naiz (beldurra ematen dute urteek, poetak, eta Espainiak) hogeigarren mendeko erdialdean. Horixe besterik ez. Dirua? Gatibu nauena gatibu da bertzeren, hark esan zuen lez. Txaloak? Bai, baina gor samarra naiz. Osasuna? Nahikoa. Ospea? Txarra. Eta ederki kostea! Beldurra ematen du pentsatzeak, baina analfabetoek, langileek, haurrek, ez naute irakurtzen. Irakurriko naute ordea. Orain idazten ikasten ari naiz, klasez aldatua nago, bertsoak egiteko makina bat behar nuke, barka, bertso batzuk behar nituzke makinarako eta jornal on bat makinistarentzat, eta batez ere bakea, bakea behar dut borrokan jarraitzeko beldurraren aurka, plazaren erdian topa egiteko eta etorkizuna irekitzeko zabalen zabal zuhaitz bat landatzeko beldurraren sudurrean, egunonak emateko inor tronpatu gabe, egunon postari, eta gutun bat eman diezadala zuri, handik dadin uso bat hega.
MUNDU OSOKO ALBISTEAK |