Jose Balzarentzat

 

 

Aurpegi ezagunez

Laztanez eta zauriz

Mamuen agerpenez eta etxeko hondarrez

Aurrez aurreko saihetsez Nahigabeez gozamenez bilbez

negarrez

Lizunkeriez satiretara eratorri paradoxa ankerrez

Ontasun lakonikoz eta azken gabeko porrot apalez

Lutoz lainokeriez hozkatu nuen aho-arrasto batez

Zurtasunez musikez arnasez sastadaz itzal izatera etsitako

bagoiez Inor gabeko izapideez

Ohatze gaineko

edo harantzagoko gorputzez Pasio ororen zuhurtzia-ezaz

Hondamendiaz

Jokabide egokiez tesiez eta antitesiez borobilez

eta triangeluez

Bularrez eta aldakez eguerdiro zopatan eta

arratsaldero ezerezean urtutako absolutuez

Uste bakoez halabeharrez zalantza zigortuez eta erantzunez

Konponbiderik gabeko kordoketatik erreskatatu

ziurtasun bakanez

Amorantez eta adiskidez Argitzen nautenez

edo betirako isildutako hitz batzuez jaregiten nautenez

Maketsez akatsez ikasitako edo berezko dohain batzuez

Burututako mila ilusioz lorez eta ezpatez

ausardiaz

eta oldarraz beldurraz eta koldarkeriaz Itxaropen handi

zuri edo beltzaz

Amets ulertezinaz Ikara funtsatuez eta funts gabeez

Inori idatzi gabeko maitasun gutunaz eguantzaren presentzia

sagaratu hutsaz bizitzearen min sutsuaz Bizirik izatearen

zorionaz

ari naiz nire etxea eraikitzen