Poema bat egiteko zalantza ez dator

irakurlerik

               edo poesia maite duenik ez dagoelako

ezta ere munduko arima sentiberak galdu direlako

 

Ez eta gure baitan inoiz

eszenategiarekin batera

    argiteriaren parte bat goitik behera erortzen delako

Ezta ere funtsean poema bat egitea

teknikak ergeltzat dauzkan

            egintza ugarien artean

            desegokiena delako

 

Poema bat egiteko zalantza poema beretik sortzen da

azken batean ez baitu jakiten zein den bere egitekoa

poema den aldetik

eta gogo sutsua izaten du

harri baten

hondarraren

edo uraren antza hartzeko

Edo areago poeta orok gezurtatzen duen

harria

                                           hondarra

                                   eta ura izateko