Kapitalismoa historiaren akabua da.

 

 

Beharbada biziraungo dute metal dirdaitsuek baina ez

tximeletek

 

plastikoek eta aurriek baina ez

lore hostoek ihintzaren pean

 

gizatxarren gremioek baina ez

bakartiek

 

janketek eta oturuntzek baina ez

alaitasunak

 

zarata eta zalapartek baina ez

egunsentiko musikak

 

inoiz ez bezala atondutako mahaiek baina ez

lurrin gozoek

 

izpirituaren hertsadurak baina ez

gupidak

 

boterearen aginduek baina ez

mintzairaren sekretuek

 

makina txanpon-jaleek baina ez

zori sinesgogorrak

 

meretrizek eta urdangek baina ez

gaueko jainkosek

 

garraztasunek eta basakeriek baina ez

agerkundeek

 

zirkuitu integratuek baina ez

belarraren iratzartzeak

 

usain txarrek baina ez

amoranteen izerdurak

 

ergeltasunak eta arrunkeriak baina ez

sentikortasunaren ebidentziak

 

borobilak eta karratuak baina ez

ezin dezifratuzkoak

 

traje eta bitxiek baina ez

uren gardentasunak

 

metaforek baina ez poesiak