Zatitan ari naiz puskatzen neu naizen atal bakoitza

lasterka zoroan doa

Festarekin bat egiten da

Teilatu lauetako zaldiko-maldiko irazekien festa zaharrean

Barruan

hezurren lubaki betean

zaunka ari diren mamuen festan

 

Masailetan behera txirrioan datozkit izerdi anpuluak

Bekokitik jausten nire atzoko ametsak

                                beroak urtuta

 

Metrailetek hutsari plexu zirrintak mozten

                       dizkioten munduko festa hau

Egunero gainean birundan dabilkigun festa hau

milaka mende aitzina jaurtitzen gaitu

Gure oraintxe bertako orainalditik

berrogei mila argi-urtetara