KARDABERA, ASUNA Lurtar tristeek gogora nazatela, errekonozitu eta agurtu: kardaberak eta asun altuak, eta haurtzaroko etsai belladonak - O.V. de L. Milosz, "Les Terrains Vagues"
Kardaberak, asunak, lapaitzak eta belladonak etorkizuna dute. Haienak dira eremu mortuak eta trenbide herdoilduak, zerua, isiltasuna.
Nor izango naiz belaunaldi sorta bat barrukoentzat? Noiz, mintzaeren deiadarren ostean, mututzen da saria?
Hitzak moldatzeko dohainak erredimitu behar ninduen baina gramatikarik gabeko planeta bati egin behar diot aurre,
biztanle dituena kardabera, asuna, lapaitza, belladona, laztantzen dituen haize goxoa, hodei logaletua, isiltasuna.
KARDABERA, ASUNA |