Heriotzan pentsetan dodanean
bildurraren bildurrez hilten naz
ze hil ezkero gauza larregi ixten dozuz atzean
ostera be sekula ikusiko ez dozuzanak:
lagunak, etxekoak,

pasealekuko zugatxak euren usain horregaz,
eta ikusi dozun jente guztia,

behin baino ikusi ez badozu be.

 

Nik neguan hil gura neuke
euria goian behean dan bitartean
goiz iluntzen dauen halako egun baten,
kalean zapatak lupetzez bete
eta jentea kafetegietan
berogailuaren inguruan zarratzen dan

halako baten.